Corona updates : कर्जत- राशीन येथील ‘त्या’ सहा व्यक्तीचा कोरोना अहवाल निगेटीव्ह – डॉ संदीप पुंड

प्रतिनिधी | राष्ट्रसह्याद्री दि १९

कर्जत तालुक्यातील राशीन आणि कोरोना समीकरणच 

कर्जत तालुक्यात आजतागायत कोरोना रुग्णाची एकूण संख्या नऊ झाली असून त्यापैकी आठ रुग्णाची नोंद राशीन शहरातील आहे. त्यामुळे कोरोना आणि राशीन यांचे समीकरणच निर्माण झाले आहे. मात्र राशीनकरानी त्यावर यशस्वीपणे मात करीत लढाई जिंकली आहे. त्यामुळे राशीन आणि परिसरातील नागरिकांनी विशेष खबरदारी घेणे अनिवार्य बनले आहे. 

राशीनकरांना दिलासा तर श्रीगोंदेकरांची अडचण 

राशीन येथील कोरोनाबाधीत व्यक्तीच्या संपर्कात श्रीगोंदा येथील १० व्यक्ती आल्या होत्या. त्यांना गुरुवारी कोरोना चाचणी स्वॅब तपासणीसाठी अहमदनगर येथे रवाना करण्यात आले होते. यापैकी दोन व्यक्तीचा अहवाल कोरोना पॉझिटिव्ह प्राप्त झाला असून सात व्यक्ती निगेटीव्ह निघाल्या. एका व्यक्तीचा अहवाल अद्याप प्रलंबित आहे. यामुळे राशीनकराची दिलासादायक बातमी श्रीगोंदेकरांसाठी मात्र अडचणीची ठरली आहे.