Aurangabad : बुलेट चोर गुन्हे शाखेच्या जाळ्यात

प्रतिनिधी | राष्ट्र सह्याद्री 

औरंगाबाद : अहमदनगरहून बुलेट चोरलेल्या पैठण तालुक्यातील दोघांना गुन्हे शाखा पोलिसांनी शनिवारी कांचनवाडी भागात पकडले. त्यांच्याकडून पोलिसांनी बुलेट जप्त केली आहे.
नंदु अशोक गरड (रा. तोडली, बिडकीन, ता. पैठण) आणि सुदाम किसन घटे (रा. मांडवा, ता. पैठण), अशी बुलेट चोरांची नावे आहेत.
कांचनवाडी भागात बुलेट विक्रीसाठी दोघे जण येणार असल्याची माहिती गुन्हे शाखा पोलिसांना मिळाली होती. त्यावरुन गुन्हे शाखेचे सहायक पोलिस निरीक्षक अजबसिंग जारवाल, जमादार शिवाजी झिने, प्रकाश चव्हाण, पोलिस नाईक राजेंद्र साळुंके, संदीप क्षीरसागर, संजय जाधव, प्रभाकर राऊत, नितीन देशमुख यांनी कांचनवाडी भागात सापळा रचला. शनिवारी सायंकाळी पोलिस चौकीजवळ बुलेट घेऊन आलेल्या गरड आणि घटेला पोलिसांनी ताब्यात घेतले.
दोघांची चौकशी केल्यावर त्यांनी उडवा-उडवीची उत्तरे दिली. तेव्हा दोघांना खाक्या दाखवताच त्यांनी अहमदनगर येथून बुलेट चोरल्याची कबुली दिली. त्यानंतर दोघांना अटक करुन अहमदनगर पोलिसांच्या स्वाधीन करण्यात आले. ही कारवाई सहायक पोलिस आयुक्त दिनेश कोल्हे, पोलिस निरीक्षक अनिल गायकवाड यांच्या मार्गदर्शनाखाली करण्यात आली आहे.

5 COMMENTS

LEAVE A REPLY

Please enter your comment!
Please enter your name here