कर्जत-जामखेडसाठी आमदार रोहित पवार ठरले ‘आरोग्य दूत’

2
विविध सुविधा व उपाययोजनांमुळे कोरोना रुग्णांना मिळतोय आधार

प्रतिनिधी | राष्ट्र सह्याद्री 
 
कोरोनाच्या पार्श्वभूमीवर कर्जत-जामखेड मतदारसंघात कोरोनाबाधित रुग्णांच्या संख्येत दिवसेंदिवस वाढ होताना दिसत आहे. मात्र, या संकटापासून प्रत्येक नागरिकाची सुटका करण्यासाठी राष्ट्रवादीचे नेते तथा कर्जत-जामखेड मतदारसंघाचे आमदार रोहित पवारांनी विविध सुविधा व उपाययोजना आमलात आणल्या आहेत. मतदारसंघातील प्रत्येकच भागात आता कोरोनाने शिरकाव केला असला तरी मोठ्या प्रमाणावर हे रुग्ण यशस्वीपणे मात करून आपल्या घरी परतत आहेत. लॉकडाउनच्या काळात आहे. त्या भागात अडकून पडलेल्या गोरगरीब, कामगार, मजुरांना काही दिवस अन्नधान्य पुरवण्यापासून ते कोरोना रुग्णांवर उपचार करणाऱ्या योद्ध्यांना सॅनिटायझर, मास्क पुरवण्यापासुन सुरू झालेला हा प्रवास अगदी कोरोनाबाधित रुग्णांना चांगल्या सुविधा व उपचार देऊन बरे करण्यापर्यंत पोहोचला आहे.
मतदारसंघात पहिला रुग्ण आढळला तेंव्हापासूनच आमदार रोहित पवारांचे याबाबत नियोजन सुरू झाले होते. कोणत्याही रुग्णाची हेळसांड होऊ नये. यासाठी आमदार पवारांचा कायम आग्रह आणि मग सुरू झाल्या त्या उपाययोजना. कोरोना बाधित रुग्णांसाठी दोन्ही तालुक्यात मध्यवर्ती ठिकाणे निश्चित करून विलगीकरण कक्ष उभारण्यात आले. कर्जत येथील उपजिल्हा रुग्णालयात व जामखेड शहरातील आरोळे हॉस्पिटल येथे कोव्हीड सेंटर उभारण्यात आले आहे. या सेंटरवर कर्जत येथे ५० तर जामखेड येथे ७० बेड  उपलब्ध करण्यात आले असून या सर्वच बेडला ऑक्सिजन पुरवण्यासाठी कर्जतच्या कोव्हीड सेंटरला २५० लिटरचे दोन सिलेंडर टॅंक देण्यात आले असून जामखेडलाही असेच दोन सिलेंडर टॅंक उपलब्ध करण्यात आले आहेत.
त्यामुळे एकाच वेळी सर्व रुग्णांना गरज भासल्यास ऑक्सिजन सुविधा पुरवली जाऊ शकणार आहे. जामखेडसाठी अगोदर ३ व्हेंटिलेटर होते. आता रतन टाटा यांच्या मदतीने नव्याने ४ व्हेंटिलेटर देण्यात आले असून आणखी २ व्हेंटिलेटर, असे एकूण ९ व्हेंटिलेटर अत्यावश्यक सुविधा म्हणुन उपलब्ध करण्यात येणार आहेत. कर्जत या ठिकाणी डॉक्टरांची संख्या कमी असल्याने काही रुग्ण जामखेड या ठिकाणी पाठवण्यात येणार आहेत. रुग्ण वाहिकांचा तुटवडा पाहता कोणत्याही आणि कुठल्याही रुग्णाला वेळेत उपचार घेता यावेत.
यासाठी कर्जत तालुक्यासाठी १ व जामखेड तालुक्यासाठी १ अशा २ रुग्णवाहिका आमदार रोहित पवारांच्या माध्यमातून देण्यात येणार आहेत. अधिकची काळजी म्हणून नागरिकांच्या आरोग्य तपासणीसाठी कर्जत तालुक्यासाठी ६० ऑक्सिमिटर व ६० थर्मामीटर जामखेड  तालुक्यासाठीही ६० ऑक्सिमिटर व ६० थर्मामीटर उपलब्ध करण्यात आले आहेत. कोरोनावर उपचार घेणाऱ्या रुग्णांसाठी रोहित आमदार पवारांच्या माध्यमातून मोफत मेस सुविधा उपलब्ध करून देण्यात आली आहे. कर्जत तालुक्यातील ९५० हून अधिक तर जामखेड तालुक्यातील सुमारे ७०० हून अधिक रुग्णांनी उपचार घेऊन कोरोनावर यशस्वी मात केली आहे.
वैयक्तिक मदतीने उभारलेले सर्वात मोठे कोव्हिड सेंटर

कर्जत-जामखेड मतदारसंघातील नागरिकांसाठी कोरोनाच्या पार्श्वभूमीवर आमदार रोहित पवार यांनी आपल्या व्यक्तिगत मदतीने उभारलेले कोव्हीड सेंटर हे ग्रामीण भागातील सर्वात मोठे कोव्हीड सेंटर असून रुग्णांना वैद्यकीय सुविधेपासून इतर सर्वच लागणाऱ्या बाबी आमदार पवार यांनी मोफत उपलब्ध करून दिल्या आहेत. त्यामुळे विविध सुविधा व उपाय योजनांमुळे कोरोना रुग्णांना आधार मिळाला आहे.

2 COMMENTS

LEAVE A REPLY

Please enter your comment!
Please enter your name here