Bollywood Drugs: शाहरुख, रणबीर, अर्जुन रामपाल आणि डिनो मोरिया सुद्धा ड्रग्ज साखळीत!

मुंबई:  अर्जुन रामपाल हा शाहरुख खानला ड्रग्स पुरवठा करत असे, असा खुलासा  एनसीबीने केला आहे. अभिनेता सुशांत सिंह राजपूत मृत्यूनंतर बॉलिवूड आणि ड्रग्स यांच्यातील कनेक्शन उघड झालं आहे. यामध्ये आतापर्यंत एनसीबीने दिपिका पादुकोन, सारा अली खान, श्रद्धा कपूर यासारख्या बड्या अभिनेत्रींची चौकशी केली आहे. मात्र आता या प्रकरणात बॉलिवूडमधील किंग खानसह चार मोठ्या सेलेब्रिंटींची नावे समोर आली. त्यात रणबीर कपूर, अर्जुन रामपाल आणि डिनो मोरिया यांचा समावेश आहे.

आतापर्यंत या प्रकरणात फक्त अभिनेत्रींची नावे पुढे येत होती, मात्र पहिल्यांदा अभिनेत्यांची नावे समोर येत आहेत. एका एनसीबीच्या अधिका-याने नाव न छापण्याच्या अटीवर बॉलिवूडमधील या सेलिब्रिटींच्या नावाचा खुलासा केला आहे. यासंदर्भात एका वृत्तसंस्थेने बातमी दिली आहे. एनसीबी अधिका-याची कॉल रेकॉर्डिंग असल्याचा दावाही करण्यात आला आहे.

या बातमीत म्हटलंय की, गेल्या दोन दिवसांपासून माध्यमात नाव नाही परंतु ए, डी, आर आणि एस या कोडने संकेत दिले जात होते. आता ए चा अर्थ अर्जुन रामपाल, डी चा अर्थ डिनो मोरिया, आर चा अर्थ रणबीर कपूर आणि एस चा अर्थ शाहरुख खान हे स्पष्ट झालं आहे.  ड्रग्स पेडलर्सच्या सुत्रांने सांगितलं की, अर्जुन रामपाल शाहरुख खानला ड्रग्स सप्लाय करत होता. पण डिनो मोरिया कोणाला ड्रग्स सप्लाय करायचा? हे अद्याप तपासात समोर आलं नाही, पण चौकशी सुरु आहे. 

शाहरुख खान सध्या दुबईमध्ये असून आयपीएलचा आनंद घेत आहे. त्याचवेळी अर्जुन रामपाल मुंबईत त्याच्या एका चित्रपटाचे चित्रीकरणात व्यस्त आहे. रणबीर कपूर मागच्या आठवड्यात कुटुंबासोबत बर्थडे साजरा करताना दिसला होता. तर डिनो मोरिया देखील सध्या मुंबईत आहे.

2 COMMENTS

LEAVE A REPLY

Please enter your comment!
Please enter your name here