उद्यापासून धावणार विशेष रेल्वे गाड्या

मुंबई:
मध्य रेल्वेने ९ ऑक्टोबरपासून मुंबई, पुणे, नागपूर, गोंदिया व सोलापूर ठिकाणी विशेष रेल्वे गाड्या सुरू करण्याचा निर्णय घेतला आहे. पूर्ण क्षमतेने पण फक्त आरक्षण करणाऱ्या प्रवाशांनाच यातून प्रवास करता येणार आहे. या गाड्यांचे आरक्षण सुरू झाले आहे.

मुंबई-नागपूर दुरंतो एक्स्प्रेस, डेक्कन क्वीन (पुणे-मुंबई, मुंबई-पुणे) सिद्धेश्वर एक्स्प्रेस (मुंबई-सोलापूर), मुंबई-गोंदिया अशा गाड्या सुरू केल्या आहेत. या सर्व गाड्यांच्या वेळा व क्रमांक पूर्वीप्रमाणेच आहेत. फक्त लक्षात येण्यासाठी म्हणून प्रत्येक क्रमाकांच्या आधी शून्य लिहिला आहे, अशी माहिती रेल्वेचे जनसंपर्क अधिकारी मनोज झंवर यांनी दिली.
गाड्यांमध्ये प्रवासी बसण्याआधी त्याची थर्मल तपासणी केली जाणार आहे. तसेच ऑक्सिजन लेवलही तपासले जाणार आहे. प्रत्येक प्रवाशाला मास्क बंधनकारक आहे. दरम्यान, पुणे – लोणावळा ही लोकल सेवाही १२ ऑक्टोबर पासून सुरू करत आहे. मात्र, यातून फक्त अत्यावश्यक सेवेतील कर्मचाऱ्यांनाच प्रवास करता येईल. यासाठी क्यूआर कोडचा वापर केला जाणार आहे.

2 COMMENTS

LEAVE A REPLY

Please enter your comment!
Please enter your name here