Akole : शेततळ्यात बुडून चुलत्या पुतण्याचा मृत्यू

0
प्रतिनिधी | राष्ट्र सह्याद्री 

अकोले – शेततळ्यातील लिकेज काढत असताना पाय घसरून पाण्यात पडलेल्या पुतण्याला वाचवताना पुतण्यासह चुलत्याचाही पाण्यात बुडून मृत्यु झाल्याची घटना तालुक्यातील पिंपळगाव निपाणी येथे घडली. 

कार्तिक सुनिल गोर्डे ( वय १९ ), अनिल खंडु गोर्डे ( वय ४५), अशी मयतांची नावे आहेत.

याबाबत अकोले पोलिसांकडुन मिळालेल्या माहितीनुसार, तालुक्यातील पिंपळगाव निपाणी येथील भिमा शंकर गोर्डे यांच्या शेततळ्यात रविवारी दुपारी लिकेज काढण्याचे काम सुरु असताना शेततळ्याच्या कागदावर शेवाळ असल्याने या शेवाळावरुन कार्तिक सुनिल गोर्डे (वय १९) या तरुणाचा पाय घसरून शेततळ्यातील पाण्यात पडला त्याला पोहता येत नसल्याने त्याला वाचवण्यासाठी त्याचे चुलते अनिल खंडु गोर्डे (वय ४५) यांनी पाण्यात उडी मारली.

माञ, पाण्याचा ठाव न लागल्याने दोघांचाही पाण्यात बुडून मृत्यू झाला. तात्कळ जवळील कुटुंबातील इतरांनी मृतदेह बाहेर काढून मयताचे भाऊ सुकदेव गोर्डे यांनी पोलिसांत खबर देताच पोलिस उपनिरीक्षक दीपक ढोमणे, पोहेकॅा बाबासाहेब भोसले, पो.ना.वलवे यांनी घटनास्थळी जाऊन पंचनामा करुन मृतदेह शवविच्छेदनासाठी ग्रामीण रूग्णालयात आणून अकस्मात मृत्यूचा दाखल करण्यात आला आहे.

लॉक डाऊनच्या काळातील चौथी घटना
लॅाकडाऊनच्या काळात अकोले तालुक्यात पाण्यात बुडून मरण्याची चाैथी घटना असून लॅाकडाऊनमध्ये अद्याप सात जणांचा पाण्यात बुडून मृत्यू झाला आहे. काही दिवसांपूर्वी लहीत येथील मामा-भाचे तर आता चुलता-पुतण्याचा दुर्दैवी  मृत्यू पाण्यात बुडून झाल्याची घटना घडली. अकोले करांनो लॅाकडाउनमध्ये काळजी घ्या. घरात बसा सुरक्षित रहा..! अतिताई पणा करु नका पाण्याशी खेळू नका, असे मत सूज्ञ नागरिकांमधून व्यक्त होत आहे.

LEAVE A REPLY

Please enter your comment!
Please enter your name here