प्रतिनिधी| राष्ट्र सह्याद्री
श्रीगोंदा – ज्यांच्या अधिपत्याखाली आणि सूचनेनुसार गेली २५ ते ३० वर्ष सोसायटीचा कारभार चालविला जातो आहे ते मार्गदर्शक संचालक म्हणून सह्यांच्या अधिकारासह कारभार पाहत असलेल्या भगवानराव पाचपुते व त्याच्या संचालक मंडळाने २००५ सालापासून काष्टी सोसायटीत केलेल्या गैरकारभाराची चौकशी करून दोषींवर कायदेशीर कारवाई करण्याची मागणी करण्यात करण्यात आली आहे.
सहकार महर्षी नागवडे कारखान्यांचे विद्यमान संचालक राकेश कैलास पाचपुते व प्रा.सुनिल माने तसेच सोसायटीच्या आजी माजी संचालकासह काही सभासदांनी यासंबंधीचे निवेदन शुक्रवारी (दि. १९) राज्याचे उपमुख्यमंत्री अजित पवार, सहकारमंत्री बाळासाहेब पाटील, तसेच सहकार आयुक्त (महाराष्ट्र राज्य), सहकार सहनिबंधक नाशिक, मा. जिल्हा उपनिबंधक सहकारी संस्था अहमदनगर, मा. सहाय्यक श्रीगोंदा यांना दिले आहे, अशी माहिती राकेश पाचपुते यांनी घेतलेल्या पत्रकार परिषदेत दिली.
काष्टी सोसायटीचे तत्कालीन सचिव जे. एम. पाचपुते यांनी २४ एप्रिल श्रीगोंदा पोलीस ठाण्यात भगवानराव पाचपुते व त्यांच्या मुलाच्या नावाने काष्टी सोसायटीत खरेदीच्या कामात होणारा हस्तक्षेप तसेच १९ जुलै ते २५ जुलै २०१८ च्या काळात
विविध कंपन्यांच्या मार्फत संचालक मंडळाला अंधारात ठेवत केलेल्या विदेश दौऱ्या बाबत तसेच संस्थेच्या कारभारात होणाऱ्या हस्तक्षेपा बद्दल लेखी तक्रार केली होती, सोसायटीच्या विविध विभागांसाठी कोट्यवधी रुपयांची सदोष पद्धतीने होणारी खरेदी, संस्थेने ठरून दिलेली वस्तूच्या विक्रीची स्टॉक कंट्रोल प्राईझ पेक्षा जादा दराने विक्री करून विक्रीची किंमत व शिल्लक राहणारा स्टॉक यांच्यात असलेली विसंगती,