Kopargaon : पिता पुत्राची आत्महत्या

0

प्रतिनिधी | राष्ट्र सह्याद्री 

शहराच्या नजीकच्या संजीवनी सहकारी साखर कारखान्याच्या लगत असलेल्या शिंगणापूर ग्रामपंचायत हद्दीत रात्री १२.३० वाजेच्या सुमारास मुलगा राहुल संजय फडे (वय-२७) याने अज्ञात कारणाने आपल्या घरात आत्महत्या केली. या दुःखात बुडालेल्या त्यांचा पिता संजय रंगनाथ फडे (वय-५०) यांनीही आज पहाटे दोन वाजेच्या सुमारास गळफास घेऊन आपली जीवनयात्रा संपवल्याची हृदयद्रावक घटना उघड झाल्याने सर्वत्र हळहळ व्यक्त होत आहे.

सदरचे सविस्तर वृत्त असे की,शिंगणापूर ग्रामपंचायत हद्दीत संजय फडे यांचा हॉटेलचा व्यवसाय आहे.मात्र सध्या कोरोना साथीने या व्यवसायावर प्रतिकूल परिणाम झालेला आहे.हा व्यवसाय बंद असल्याने त्यांच्या रोजी रोटीचा प्रश्न निर्माण झाला असावा.त्यातच त्यांचा मुलगा राहुल हा संजीवनी इंजिनिअरिंग या महाविद्यालयात लॅब असिस्टंट या पदावर कार्यरत होता.मात्र तो कोणत्या बाबीने तणावात होता हे समजू शकले नाही.

मुलाच्या आत्महत्येची घटना घडल्यावर त्यास नजीकच्या नागरिकांनी त्यांना कोपरगाव ग्रामीण रुग्णालयांत उपचारार्थ दाखल केले असताना वैद्यकीय अधिकांऱ्यानी त्यास मृत घोषित केले शव विच्छेदनासाठी नातेवाईक तेथे थांबले असता मागे अन्य घरातील सदस्य खाली बसलेले असताना मयत तरुणांच्या पित्याने वरच्या मजल्यावर कोणी नाही हि संधी साधत मयताच्या पित्याने तणावात येऊन घरी कोणी नाही या संधीचा फायदा घेत आपणही गळफास घेऊन आत्महत्या केली आहे.या घटनेने सर्वत्र हळहळ व्यक्त होत आहे.

कोपरगाव शहर पोलिसांनी या प्रकरणी दोन्ही घटनांची अकस्मात मृत्यू रजीष्टर क्रं.अनुक्रमे २५/२०२०, २६/२०२०,सी.आर.पी.सी.१७४ प्रमाणे अकस्मात मृत्यूची नोंद केली आहे.पुढील तपास पोलीस निरीक्षक राकेश मानगावकर यांच्या मार्गदर्शनाखाली पो.हे.कॉ.ए. व्ही.गवसने हे करीत आहेत.

LEAVE A REPLY

Please enter your comment!
Please enter your name here