shrigonda : सीआयडीचा माणूस असल्याचे सांगून लूटले

कवडे यांचा बसस्थानक परिसरात छोटासा व्यवसाय आहे. आज दुपारी बारा वाजता ते शहरातील दौंड जामखेड रस्त्याने पायी चालत जात असताना जुन्या स्टेटबँकेजवळ एका दुचाकीवर आलेल्या व्यक्तीने कवडे यांना अडवून शहरात गोंधळ झालाय मी सीआयडीचा माणूस आहे, असे सांगून त्यांना बनावट ओळखपत्र दाखवून त्यांना त्यांच्याकडील वस्तू रुमालात बांधायला सांगितल्या. त्याचवेळी या व्यक्तीने रस्त्याने जाणाऱ्या एका व्यक्तीला अडवून त्याला दमदाटी केली.

परंतु ती व्यक्ती त्याचीच साथीदार होती. रुमालात घड्याळ व इतर वस्तू बांधत असतानाच या चोरट्याने कवडे यांच्या गळ्यातील चैन ते रुमालात ठेवत असतानाच ती चोरून तिथून पळ काढला दिवसा मुख्य रस्त्यात अशी लूट झाल्यामुळे एकच खळबळ उडाली आहे. घटनेबाबत माहिती मिळाल्यानंतर श्रीगोंदा पोलीस निरीक्षक दौलतराव जाधव यांनी तात्काळ सहायक पो नि राजेंद्र सानप, पो हे कॉ अंकुश ढवळे, पो कॉ संतोष कोपनर, पो कॉ संजय काळे हे पोलीस पथक पाठवले या पथकाने रस्त्याच्या बाजूचे दुकानांमधील सीसीटीव्ही तपासले पोलीस आरोपींचा शोध घेत आहेत.