गौतम अदानींनी कोरोना काळातही दिवसाला कमावले 456 कोटी रुपये

अंबानी, बिल गेट्स यांनाही मागे टाकलं!
मुंबई: कोरोना आणि लॉकडाऊनच्या काळात अनेक कंपन्या बुडाल्या. काहींनी कंपन्यांना कायमचं टाळं ठोकलं. अनेकांच्या नोकर्‍या गेल्या. मजुरांचं मोठ्या प्रमाणात स्थलांतर झालं. पण याच काळात काही कंपन्यांना मात्र अविश्वसनीय नफा झाल्याचं पाहायला मिळत आहे. लॉकडाऊनच्या काळात गौतम अदानी यांनी दिवसाला 456 कोटी रुपये कमावल्याचं पाहायला मिळत आहे. ब्लूमबर्ग बिलेनियर इंडेक्सनं दिलेल्या माहितीनुसार दिवसाला सर्वाधिक कमाईच्या बाबतीत टेस्लाचे सीईओ एलन मस्क हे आघाडीवर आहेत. त्यांनी दिवसाला 2.12 हजार कोटी रुपयांची कमाई केली आहे.
कोरोना आणि लॉकडाऊनच्या काळात गौतम अदानी यांच्या 4 कंपन्यांनी मोठी कमाई केली आहे. त्यात अदानी गॅस, अदानी एंटरप्रायजेस, अदानी पोर्ट आणि अदानी पॉवर या कंपन्यांचा समावेश आहे. या कंपन्यांनी जानेवारीपासून आतापर्यंत जोरदार कमाई केली आहे. या दरम्यान अदानी ग्रीचा शेअर 550 टक्क्यांनी वाढला आहे. फोर्ब्स नियतकालिकानं दिलेल्या माहितीनुसार अदानी ग्रुपच्या नेटवर्थचा मोठा हिस्सा हा संरक्षण, ऊर्जा निर्मिती आणि वितरण, एडीबल ऑईल आणि रिअल इस्टेटमधून येतो.
अंबानींनाही मागे टाकलं
मुकेश अंबानी यांच्या रिलायन्स इंडस्ट्रीज कंपनीची वाढ गेल्या वर्षीच्या तुलनेत यंदा सप्टेंबरच्या तिमाहीत घटली आहे. त्यामुळे कंपनीचा नफा 15 टक्क्यांनी कमी झाला आहे. ज्याचा परिणाम मुकेश अंबानी यांच्या नेटवर्थवर झाल्याचं पाहायला मिळत आहे. त्यामुळे मुकेश अंबानी जगातील टॉप 10 श्रीमंतांच्या यादीतूनही बाहेर गेले आहेत.

1 COMMENT

LEAVE A REPLY

Please enter your comment!
Please enter your name here