चीनमधे पुन्हा लॉकडाऊन


बीजिंग

चीनमधील 40  लाख लोकसंख्या असलेल्या लान्झोऊमध्ये कोरोनाचा वाढता संसर्ग पाहता पुन्हा लॉकडाऊन लावण्यात आला आहे. लॅन्झो शहरात, आपत्कालीन परिस्थिती वगळता कोणालाही घर सोडण्याची परवानगी नाही, सर्व सामाजिक कार्यक्रमांवर बंदी घालण्यात आली आहे.

दोन वर्षांपूर्वी, ऑक्टोबर व नोव्हेंबरमध्ये चीनमध्ये कोरोना विषाणूची सुरुवातीची प्रकरणे समोर आली होती आणि तिथून कोरोना विषाणूचा संसर्ग जगभरात पसरला होता. आता पुन्हा एकदा चीनमध्ये कोरोनाची नवीन प्रकरणे समोर येत आहेत. चीनमध्ये आता तीन वर्षांहून अधिक वयाच्या मुलांना कोविड-19    विरुद्ध लसीकरण करण्यात येणार आहे. येथे सुमारे 76 टक्के लोकसंख्येचे पूर्णपणे लसीकरण झाले आहे आणि सरकार कोविडच्या वाढत्या प्रकरणांवर नियंत्रण ठेवण्यासाठी विविध कठोर पावले उचलत आहे. अलिकडच्या काही दिवसांत, किमान पाच प्रांतांतील स्थानिक आणि प्रांतीय-स्तरीय सरकारांनी तीन ते 11 वयोगटातील मुलांना लसीकरण करणे आवश्यक असल्याची घोषणा करणाऱ्या नोटिसा जारी केल्या गेल्या आहेत. चीनमध्ये पर्यटनावर अवलंबून असलेल्या वायव्य प्रांत गांसूने कोविडची प्रकरणे आढळल्यानंतर सर्व पर्यटनस्थळे बंद केली. मंगोलियाच्या काही भागांमध्ये कोरोनाच्या प्रादुर्भावामुळे लोकांना घरातच राहण्याचे आदेश देण्यात आले आहेत.


टिप्पणी पोस्ट करा

0 टिप्पण्या