Breaking News : सिव्हिल हॉस्पिटलच्या आयसीयू कक्षाला भीषण आग... 25 रुग्ण होरपळले..!



रुग्ण आणि नातेवाईकांच्या आक्रोशाने परिसर हादरला

 नगर: येथील सिव्हिल हॉस्पिटलमध्ये आयसीयू कोरोना कक्षाला आज सकाळी दहाच्या सुमारास अचानक आग 25 रुग्ण भाजून जखमी झाले आहेत. त्यापैकी सात जण अत्यंत गंभीर असून सर्वच  रुग्णांना उपचारासाठी दुसऱ्या वार्डात हलविण्यात आले. गंभीर रुग्णांना बघून त्यांच्या नातेवाईकांनी हंबरडा फोडला. रुग्ण आणि नातेवाईकांच्या आक्रोशाने परिसर हादरून गेला.


आयसीयू कक्षामध्ये 25 जणांवर कॅरोनाचे उपचार सुरू होते. सकाळी आग लागल्याने हे सर्व रुग्ण गंभीर भाजले. त्यामध्ये सात जण सात जण अत्यंत गंभीर असून राहिलेल्या रुग्णांना तातडीने इतर कक्षांमध्ये हलवण्यात आले. त्यांना व्हेंटिलेटर, ऑक्‍सिजन देण्याची कार्यवाही तातडीने सुरू झाली.

दरम्यान हे उपचार घेणारे रुग्ण अत्यंत गंभीर असून त्यातील काही जणांचा मृत्यू झाल्याचे ही प्रत्यक्षदर्शीने सांगितले. परंतु याबाबत जिल्हा रुग्णालयात या अधिकृत सूत्रांनी कोणतीही माहिती दिलेली नाही.

पद्मश्री पोपटराव पवारांची तत्परता

हिवरे बाजारचे सरपंच पद्मश्री पोपटराव पवार हे उद्या दिल्लीला जाणार असल्याने कोरोना तपासणीसाठी जिल्हा रुग्णालयात आले होते. ते बाहेर उभे असतानाच कक्षाला आग लागली. यावेळी जिल्हा शल्य चिकित्सक डॉक्टर सुनील पोखरना हेही त्यांच्या दालनामध्ये होते. पवार यांना ही आग लागल्याचे लक्षात येताच त्यांनी पालकमंत्री हसन मुश्रीफ, जिल्हाधिकारी डॉक्टर राजेंद्र भोसले, महापालिकेचे आयुक्त यांच्यासह सर्व यंत्रणांना तत्परतेने फोन केले. त्यामुळे अग्निशमन दल,  जिल्हाधिकारी कार्यालयाची आपत्ती व्यवस्थापन यंत्रणा महापालिकेची यंत्रणा यांनी तातडीने घटनास्थळी धाव धाव घेतली आणि आग विझवण्याचा आटोकाट प्रयत्न झाला. आयसीयू रुग्ण भाजलेल्या अवस्थेत असताना त्यांना तातडीने इतर कक्षात हलवण्यात आलं आणि तातडीने त्यांना ऑक्सिजन व्हेंटिलेटरची पर्यायी व्यवस्था करण्यात आली मात्र त्यातील काही रुग्ण अत्यंत गंभीर असल्याचे डॉक्टरांनी सांगितले. घटनास्थळी तातडीने आमदार संग्राम जगताप हे दाखल झाले. त्यांनी सर्व परिस्थितीची पाहणी केली.


टिप्पणी पोस्ट करा

0 टिप्पण्या