Breaking News

मिरजगाव शेतजमीन हडपल्या प्रकरणी दोन वर्षांपासून फरार असलेला आरोपी जेरबंद,

धोकाधडीत सरपंचाचा आरोपीमध्ये समावेश

कर्जत : बनावट महिला उभी करून मिरजगाव येथील शेतजमीन विक्री प्रकरणातील पुण्यातील फरार आरोपीस अखेर कर्जत पोलिसांनी जेरबंद केले. सदरचा आरोपी दोन वर्षांपासून फरार होता. या धोकाधडीमध्ये आंबीजळगाव येथील विद्यमान लोकानियुक्त सरपंचाचा समावेश असल्याने सदरील प्रकरण कर्जत तालुक्यासह जिल्हयात गाजले होते. याबाबत पोलीस सूत्रांनी दिलेल्या माहितीनुसार, मिरजगाव येथील फिर्यादी निर्मला हिराचंद गांधी यांची शेत गटनं. ६६/२ मधील २ हेक्टर १८ पैकी २० गुंठे शेतजमीन स्वताच्या आर्थीक फायदयाकरीता बनावट महिला उभी करून यासह बनावट आधारकार्ड, पॅनकार्ड बनवत वरील २० गुंठ्याची बनावट खरेदी-विक्रीचा व्यवहार पूर्ण करण्यात आला होता. सदर खरेदी करताना बनावट असल्याचे माहित असतांना सुद्धा आर्थीक फायदयासाठी फिर्यादीची फसवणूक करण्यात आली होती. याबाबत फिर्यादी निर्मला गांधी यांनी कर्जत पोलीस ठाण्यात ३० जाने २०२० रोजी रीतसर तक्रार दाखल केली होती. त्यामध्ये आरोपी ज्ञानेश्वर शेषराव मोहिते ( वय ४१ वर्षे), प्रफ्फुल नेमिचंद ताथेड (वय ५९ रा.वडगाव कोल्हारी, औरंगाबाद), पुरुषोत्तम बाबुराव उर्फ बापुराव कुरूमकर -( वय ४० वर्षे, रा.लिपणगाव, ता. श्रीगोंदा),  विनायक उर्फ सचिन वामन चौधरी -( वय ३७ वर्षे, रा. घारगांव, ता. श्रीगोंदा), राजेंद्र भागुजी शेडगे - (रा. हवेली, जि. पुणे), रविंद्र श्रीराम जाधव - रा.बेगमपुरा औरंगाबाद, जि. औरंगाबाद, महेमुदा बशिर शेख - वय ७० वर्षे, रा. जवखेडे खालसा, ता. पाथर्डी, जि. अहमदनगर , विलास उर्फ (आप्पा) भिवा निकत (वय ४५ वर्षे, मुळ रा. अंबिजळगाव, ता. कर्जत), वंदना राजेंद्र अल्हाट - (वय ३६ वर्षे, रा. बोल्हेगाव, नगर), अन्सार मुनीर शेख ( वय २९ वर्षे, रा. महादेववाडी, ता. श्रीगोंदा), बापु बलभिम निंभोरे उर्फ (मेजर) -( वय ३६ वर्षे, रा. घोटवी, ता. श्रीगोंदा,) यांनी कट करुन संगनमताने आपली शेतजमीन हडपली असल्याचे नमूद केले होते. 

   यामधील आरोपी राजेंद्र भागुजी शेडगे हा दि. ३० डिसेंबर २०२० रोजी गुन्हा घडल्यापासून अद्दाप पावेतो फरार राहुन स्वतःचे अस्तित्व लपवत होता. दि ७ जाने २०२२ रोजी शेंडगे त्यांच्या राहते घरी येणार असल्याची खात्रीशीर माहिती पोलीस सूत्रांना मिळाली होती. सदर ठिकाणी पोलीस अधिकारी व अंमलदार पुणे येथे जावुन उत्तमनगर पोलीस स्टेशनच्या मदतीने मोठ्या शिताफिने आरोपीस ताब्यात घेत अटक केले. सदर आरोपीस पोलीस कोठडी मिळाली असून सखोल तपास सुरू असल्याची माहिती पोलीसांनी दिली. सदरची कारवाई पोलीस अधीक्षक मनोज पाटील, अप्पर पोलीस अधीक्षक सौरभ कुमार अग्रवाल, कर्जतचे पोलीस उपअधीक्षक अण्णासाहेब जाधव यांच्या मार्गदर्शनाखाली कर्जतचे पोलीस निरीक्षक चंद्रशेखर यादव, सपोनि एस एच गावीत, पोलीस अंमलदार शामसुंदर जाधव, गोवर्धन कदम यांनी पार पाडली. या गुन्ह्याचा अधिक तपास पोसई भगवान शिरसाठ आणि रायटर पोलीस अंमलदार पोकॉ ईश्वर माने, पोकॉ अमित बरडे करीत आहे.

No comments