बिबट्याच्या हल्ल्यात दोन शेळ्या ठार

मिळालेल्या माहितीनुसार, बुधवारी कांताताई देवराम बरडे (वय ६५, रा. कोंडेवस्ती, लोणी काळभोर) या आपल्या १७ शेळ्या घेऊन लोणी काळभोर व आळंदी म्हातोबाची ग्रामपंचायत हद्दीतील श्री क्षेत्र रामदरा व गवळेश्वर मंदीर परिसरात असलेल्या लक्ष्मीदरा येथे शेळ्या चारण्यासाठी गेल्या होत्या. साडेतीन वाजण्याच्या सुमारास बिबट्या नरमादी आले व त्यांनी चरत असलेल्या शेळ्यांच्या कळपावर हल्ला चढवला. यामुळे शेळ्या सैरावैरा पळत सुटल्या.

 सदर ठिकाणी लोकांची चाहूल लागताच त्या दोन्ही बिबट्यांनी त्या ठिकाणावरून पलायन केले. व तेथे दोन शेळ्या मृतावस्थेत आढळून आल्या.

याबाबत वनरक्षक जागृती सातारकर यांनी सदर ठिकाणी भेट देऊन उपस्थित व परिसरातील नागरीकांना बिबट्याच्या हल्ल्यापासून वाचण्यासाठी कोणती खबरदारी घ्यावी. यासंदर्भात सविस्तर माहिती देण्यात आली आहे.