Breaking News

अखेर 'त्या' बहुचर्चित कॉलनीवर पडणार हातोडा; प्रशासनाने वीज कनेक्शन तोडले


 औरंगाबादः
गेल्या तीन-चार महिन्यांपासून चर्चेत असलेल्या औरंगाबादेतील लेबर कॉलनी जमीनदोस्त करण्याच्या हालचालींना वेग आला असून, आजपासून प्रत्यक्षात कारवाईला सुरवात होण्याची शक्यता आहे. कोविड महामारीचा विचार करून खंडपीठाने रहिवाशांना घरे रिक्त करण्यासाठी दोन महिन्यांचा कालावधी दिला होता, त्यानंतर आता कारवाईला सुरवात होण्याची शक्यता आहे. तर त्यासाठी गुरुवारी या भागातील वीज कनेक्शन तोडणात आले आहे.

औरंगाबादेत १९५२ साली सुमारे २२ एकर जागेवर ३३८ शासकीय निवासस्थान असलेली लेबर कॉलनी बांधण्यात आली होती. मात्र अतिरिक्त आयुक्तांनी ३१ ऑक्टोबर २०२१ रोजी लेबर कॉलनीत एक होर्डिंगवर ती मालमत्ता निष्कासित करण्याची नोटीस प्रसिद्ध केली होती. त्यानंतर या नोटिसीला कॉलनीतील आव्हान देत रहिवाशांनी न्यायालयात धाव घेतली होती. त्यानंतर यावर अंतिम निर्णय देतांना ही याचिका न्यायालयाने फेटाळून लावली होती. सोबतच रहिवाशांना घरे रिक्त करण्यासाठी दोन महिन्यांचा कालावधी दिला होता. त्यामुळे आता हा कालावधी संपला असल्याने लेबर कॉलनीवरील कारवाई करण्याची तयारी सुरू केली आहे.

प्रशासनकडून गुरुवारी बांधकाम विभागाचे पथक, महावितरणचे कर्मचारी, महानगरपालिकेच्या वरिष्ठ अधिकाऱ्यांनी कारवाई केल्याची माहिती जिल्हाधिकारी सुनील चव्हाण यांनी दिली आहे. त्यामुळे आजपासून काही घरांची पाडापाडी होण्याची शक्यता आहे. त्यामुळे आज दिवसभर नेमकं काय होणार याकडे कॉलनीतील रहिवाशांचे लक्ष लागून आहे. तर दुसरीकडे प्रशासनाने ही कारवाईची तयारी केली असल्याचे बोलले जात आहे.


No comments