पावसाळी पर्यटनासाठी विशेष गाड्या सुरू

नागरिकांना एसटीनेच पर्यटनासाठी जाता येणार आहे. एसटीच्या पुणे विभागाने पावसाळी पर्यटनासाठी विशेष गाड्या सुरू केल्या आहेत.

पुण्यातून महाबळेश्वर, लोणावळा, माळशेज घाट, रायगड, हरिहरेश्वर या ठिकाणी पावसाळी पर्यटनासाठी विशेष एसटी बस धावणार आहेत. पुणे आणि परिसरात पावसाळी पर्यटनाची अनेक ठिकाणे आहेत. या पर्यटनस्थळांवर मोठी गर्दी होत असते. ही बाब लक्षात घेत एसटीकडून ही सेवा सुरू करण्यात आली आहे. त्याचा पुणेकरांनी लाभ घ्यावा, असे आवाहन एसटी महामंडळाकडून करण्यात आले आहे.