थेट दिवाळीनंतर होणार सत्ता संघर्षाची सुनावणी !

शिवसेना आणि शिंदे गट यांच्यात सुरु असणाऱ्या सत्तासंघर्षाचा निकाल हा एक महिना लांबणीवर गेला आहे. आतापर्यंत या प्रकरणात घटनापीठाच्या स्थापनेनंतर अवघे दोन दिवस सुनावणी झाली आहे, त्यामुळे आता पुढील सुनावणी कधी होते याकडे सर्वांचे लक्ष लागले आहे. दरम्यान पुढची तारीख एक नोव्हेंबर अशी देण्यात आली आहे. सध्या सुप्रीम कोर्टाकडून निवडणूक आयोगाला शिवसेनेच्या चिन्हाबाबत निर्णय घेण्याची मुभा मिळाली आहे. मात्र सुप्रीम कोर्टातील सुनावणी एक महिना लांबणीवर पडल्याने शिवसेनेच्या चिंतेत काही प्रमाणात भर पडणार आहे. अद्यापही कोर्टासमोर सत्तासंघर्षाबाबत अनेक मुद्दे आहेत, ज्यावर निर्णय येणे बाकी आहे.