भैरवनाथ ग्रामविकास पॅनलची मतदारांमध्ये जोरदार चर्चा : सरपंच पदाचे उमेदवार वर्षा नवले यांचा विजय सुकर होण्याच्या दिशेने
भेंडे : नेवासा तालुकयातील भेंडे खुर्द येथील ग्रामपंचायत निवडणूक अंतिम टप्याकडे जात असताना निवडणूक चांगलीच शिंगेला पोहचली. शुक्रवारी (ता.१६) निवडणुकीच्या समारोपप्रसंगी गावातील भैरवनाथ मंदिर येथून काढलेल्या रॅलीला मतदाराचा अभूतपूर्व प्रतिसाद मिळाला. त्यामुळे भैरवनाथ ग्रामविकास पॅनलची मतदारांमध्ये जोरदार चर्चा सुरू झाली असून सरपंच पदाचे उमेदवार वर्षा नवले यांच्यासह संपूर्ण पॅनलचा विजय हा सुकर होण्याच्या दिशेने वाटचाल करीत आहे.
गावचे माजी सरपंच बाळासाहेब नवले यांच्या वस्तीवर निवडणुकीची सांगता करण्यात आली. यावेळी माजी सरपंच इंदुताई नामदेवराव नवले, माजी चेअरमन विजयकुमार नवले, ज्येष्ठ नेते राधाकिसन भागवत, राष्ट्रवादीचे जिल्हा उपाध्यक्ष सोपान महापूर, दत्तात्रय नवले, सरपंच सुनील खरात, भाऊसाहेब चौधरी, माजी सरपंच बाळासाहेब चौधरी, उद्योजक किशोर नवले, वैभव नवले, सरपंच पदाचे उमेदवार वर्षा नवले, बाबासाहेब महापूर, वसंत नवले, प्रा. सविता नवले, पंढरीनाथ कुसाळकर, कचरू पालवे यांच्यासह सर्व उमेदवार व मोठ्या संख्येने मतदार उपस्थित होते. यावेळी उपस्थित व्यक्तीनी आपल्या मनोगतातून गावाच्या विकासासाठी सर्वजण एक असून गाव भयमुक्त ठेवण्यासाठी काम करू, असे आश्वासन मतदारांना देण्यात आल्याने टाळ्याचा कडकडाटसह मतदारांनी प्रतिसाद दिला.
______________
0 टिप्पण्या