दुबई
आयपीएल 2021 च्या अंतिम फेरीत चेन्नई सुपर किंग्सने कोलकाता नाईट रायडर्सचा 27 धावांनी पराभव करत चौथ्यांदा ट्रॉफी जिंकली. नाणेफेक हरल्यानंतर प्रथम खेळताना चेन्नईने 192/3 धावा केल्या. फाफ डु प्लेसिसने संघासाठी (86) धावा केल्या. 193 धावांच्या प्रत्युत्तरात कोलकाताने 9 गडी गमावून 163 धावा केल्या आणि 27 धावांनी सामना गमावला. सामन्याचा लाइव्ह स्कोअर पाहण्यासाठी येथे क्लिक करा
लॉर्ड शार्दुलने केले CSK चे पुनरागमन
लक्ष्याचा पाठलाग करताना केकेआरने शानदार सुरुवात केली. व्यंकटेश अय्यर आणि शुभमन गिल यांनी पहिल्या विकेटसाठी 91 धावा जोडल्या. ही भागीदारी तोडण्याचे काम शार्दुल ठाकूरने अय्यरला (50) बाद करून केले. त्याच षटकात त्याने नितीश राणाची (0) विकेट घेतली. या धक्क्यांमधून कोलकाता अजून सावरला नव्हता की पुढच्याच षटकात हेझलवूडने सुनील नरेनला (२) पॅव्हेलियनमध्ये पाठवले.
CSK चे खराब क्षेत्ररक्षण
पॉवरप्लेपर्यंत CSK ने वेंकटेश अय्यरचे दोन झेल आणि शुभमन गिलचा एक झेल सोडला. विशेष म्हणजे महेंद्रसिंग धोनीकडून अय्यरला 0 आणि 25 च्या स्कोअरवर दोन जीवनदान मिळाले.
धोनीने फलंदाजी केली नाही
असे मानले जाते की कदाचित ही धोनीची शेवटची आयपीएल असू शकते. जर खरोखरच धोनीची ही शेवटची आयपीएल होती, तर त्याचे चाहते त्याला शेवटच्या वेळी अंतिम सामन्यात फलंदाजी करताना पाहू शकले नाहीत.
नाणेफेक हरल्यानंतर प्रथम खेळताना CSK ने चांगली सुरुवात केली. ऋतुराज गायकवाड आणि फाफ डु प्लेसिसने पहिल्या विकेटसाठी 8 ओव्हरमध्ये 61 धावा जोडल्या. ही भागीदारी सुनील नरेनने ऋतुराजला (32) बाद करून मोडली. त्यानंतर नरेनने रॉबिन उथप्पा (31) ची विकेट घेतली.
0 टिप्पण्या