Breaking News

व्यावसायिक एलपीजी सिलेंडर २६५ रुपयांनी महागला


मुंबई 

ऐन दिवाळीच्या तोंडावर व्यावसायिक वापरासाठीच्या एलपीजी सिलिंडरच्या किंमतीमध्ये वाढ झाली आहे. आधीच कोरोनाचे संकट आणि इंधन दरवाढीमुळे हैराण असलेल्या नागरिकांच्या अडचणीत वाढ झाली आहे. एक नोव्हेंबर रोजी व्यावसायिक सिलिंडरच्या दरात तब्बल २६५ रुपयांनी वाढ करण्यात आली. ही वाढ केवळ व्यावसायिक सिलेंडरमध्येच झाली आहे, ही दिलासादायक बाब आहे. घरगुती एलपीजी सिलेंडरच्या किमतीत कोणताही बदल झालेला नाही.

या दरांमुळे व्यावसायिक वापराचा १९ किलोच्या एलपीजी सिलेंडरची किंमत १७३६.५ रुपयांवरुन २०००.५ रुपये इतकी झाली आहे. पेट्रोलियम कंपन्यांनी घरगुती वापरासाठीच्या १४.२ किलो विनाअनुदानित एलपीजी सिलेंडरच्या किमतीत वाढ केलेली नाही. त्यामुळे त्यांची दरवाढ झालेली नाही. दिल्लीत १४.२ किलोच्या विनाअनुदानित एलपीजी सिलेंडरची किंमत ८९९.५० रुपयांवर कायम आहे. गेल्या महिन्यात पेट्रोलियम कंपन्यांनी विनाअनुदानित १४.२ किलोच्या सिलेंडरची किंमत १५ रुपयांनी वाढवली होती.

यापूर्वी एक ऑक्टोबर रोजी १९ किलोच्या व्यावसायिक सिलेंडरच्या दरात वाढ करण्यात आली होती. कोलकात्यात ९२६ आणि चेन्नईमध्ये १४.२ किलोचा एलपीजी सिलेंडर ९१५.५० रुपयांना उपलब्ध आहे. कच्च्या तेलाच्या वाढत्या किमती पाहता यावेळी एलपीजी सिलेंडरची किंमत १००० रुपयांच्या पुढे जाण्याची भीती व्यक्त केली जात होती. दिल्लीत आता विनाअनुदानित १४.२ किलोच्या सिलेंडरची किंमत ८९९.५० रुपये आहे. कोलकातामध्ये एलपीजी सिलेंडरची किंमत ९२६ रुपये, मुंबईत ८९९.५० रुपये आहे.

दरम्यान, या सिलींडरच्या या वाढीनंतर आता दिल्लीत व्यावसायिक सिलेंडर २००० रुपयांच्या पुढे गेला आहे. पूर्वी तो १७३३ रुपये होता. मुंबईत १७८३ रुपयांना मिळणारा १९ किलोचा सिलेंडर आता १९५० रुपयांना मिळणार आहे. त्याच वेळी, आता कोलकातामध्ये १९ किलोचा इंडेन गॅस सिलेंडर २०७३.५० रुपये झाला आहे. चेन्नईमध्ये आता १९ किलोच्या सिलेंडरची किंमत २१३३ रुपये आहे.


No comments