Breaking News

थ्रीडी व पोस्टर रांगोळीतून सजतेय अंगण


जामखेड तालुका प्रतिनिधी 

दिवाळीसाठी अंगणातील रांगोळी कशी वेगळी दिसले याबाबत महिला जागरूक असतात. घरोघरी किशोरी , युवतींसह महिला एकेक ठिपके जोडून , रंगीबेरंगी नक्षीतून रांगोळीच्या कल्पना इतक्या झेपावल्या आहेत की यंदा थ्रीडी व पोस्टर प्रकारच्या रांगोळीतून यंदाच्या दिवाळीत घरोघरीचे अंगण सजू लागले आहेत. या दोन्ही पध्दती ऐकलयला ' मॉडर्न असल्या तरी त्याची परिणामरकारकता मोहनी घालणारी आहे.

दिवाळीचा फिल देणाऱ्या पणत्या , आकाशकंदिल , दिवा , लक्ष्मीपूजनातील कलश , नाणी , पाडव्याला पूजली जाणारी वही , तुळशी वृंदावनाचा हुबेहूब भास या रांगोळीतून मिळतो. यासाठी दिवाळीच्या विविध दिवसांसाठी खास थ्रीडी व पोस्टर रांगोळी रेखाटण्याकडे अनेकजणी पसंती देताना दिसत आहेत.

रांगोळी ही परंपरेचे प्रतीक रांगोळीला कल्पकतेची जोड देत कलाकार , युवतींनी प्रयोगशील बनवले. त्याचाच नवा पैलू म्हणजे थ्रीडी व पोस्टर रांगोळी. वसुबारस , धनत्रयोदशी , लक्ष्मीपूजन , पाडवा , भाऊबीज 

तुळशी विवाह अशा दिवाळीच्या विविध दिवशी थ्रीडी रांगोळीतील विविध प्रकार कलाकारांकडून साकारले जात आहेत. एखादे सुबक दृश्य परिणामकारक रंगसंगतीसह पृष्ठभागावर उमटवून यंदाची दिवाळी अधिक चैतन्यदायी करणार आहेत. 


No comments