पेपर फुटी प्रकरणी 2 आरोपींना जामीन

या परीक्षेचे पेपर फोडून त्याची माहिती समाजमाध्यमांमध्ये प्रसारीत केली होती. या प्रकरणाचा तपास पुणे सायबर पोलिसांनी  करुन आरोपींना अटक  केली आहे. अटक करण्यात आलेल्या उद्धव प्रल्हाद नागरगोजे व राजेंद्र पांडुरंग सानप  यांना पुणे जिल्हा व सत्र न्यायालयाचे न्यायाधीश व्ही. ए. पत्रावळे  यांनी 25 हजार रुपयांच्या जातमुचलक्यावर जामीन मंजूर  केला आहे.

काय आहे प्रकरण ?
आरोग्य विभाग गट – ड या परीक्षेचा पेपर फुटल्याची तक्रार अनेकांनी फोन करुन पुणे सायबर पोलीस ठाण्यात  दिली होती. सायबर पोलिसांनी याची सखोल चौकशी करुन 20 जणांना ताब्यात घेतले व त्यांच्याविरुद्ध आयपीसी 420, 406, 409, 120 B, 34 नुसार गुन्हा (FIR) दाखल केला. आरोपी उद्धव नागरगोजे (वय – 36) व राजेंद्र सानप (वय – 51) यांनी प्रथमवर्ग न्यायदंडाधिकारी डोलारे यांच्या कोर्टात जामीनासाठी अर्ज केला होता. मात्र, न्यायालयाने त्यांचा जामीन अर्ज फेटाळला. यानंतर जिल्हा व सत्र न्यायालयात जामीन अर्ज करण्यात आला.

न्यायालयाने आरोपींच्या वकिलांचा युक्तिवाद मान्य करून आरोपींची प्रत्येकी 25 हजार रुपयांच्या जातमुचलक्यावर जामीन मंजूर केला. या प्रकरणातील आरोपींच्या वतीने अ‍ॅड. सचिन झालटे – पाटील , अ‍ॅड. तेजेवंती कपले  व अ‍ॅड. पवनराजे डोईफोडे  यांनी काम पाहिले.