इंडिया टुडे सी व्होटरचे लोकसभा मतदारसंघ सर्व्हेक्षण; एनडीएला २९८ तर यूपीएला मिळतील १५३ जागा
महाराष्ट्रात मात्र महाविकास आघाडीला लोकसभेत ३४ जागा मिळतील, तर भाजपाला फक्त १४ जागा मिळतील, असा अजब दावा करण्यात आला आहे.
लोकसभेत देशभरात काय वातावरण असेल. एनडीए, यूपीएला कसे समर्थन लोकांकडून मिळेल, महाराष्ट्रात महाविकास आघाडीला किती यश मिळेल, भाजपाची काय स्थिती असेल अशा विविध मुद्द्यांवर काही निष्कर्ष काढण्यात आले आहेत.
भाजपाला बहुमतापेक्षा १०-११ जाग जास्त मिळतील, असेही या निष्कर्षात म्हटले आहे. याचा अर्थ २८४ जागा भाजपाला मिळतील असा अंदाज असून काँग्रेसला ६८ तर इतरांना मिळून १९१ जागा मिळतील.
भारतात आज सर्वात लोकप्रिय मुख्यमंत्री कोण याचे सर्वेक्षण केल्यानंतर त्यात उत्तर प्रदेशचे मुख्यमंत्री योगी आदित्यनाथ हे पहिल्या क्रमांकावर आहेत. त्यांना ३९ टक्के लोकांची पसंती आहे तर अरविंद केजरीवाल १६ टक्क्यांसह दुसऱ्या स्थानी आहेत. ममता बॅनर्जी या ७ टक्क्यांसह तिसऱ्या तर महाराष्ट्राचे मुख्यमंत्री एकनाथ शिंदे यांनी पहिल्या १० मध्ये स्थान मिळविले आहे. त्यांना २.२ टक्के लोकांनी पसंती दर्शविली आहे.
0 टिप्पण्या