आ. सत्यजित तांबे काँग्रेसमध्येच राहणार!

आ. बाळासाहेब थोरात यांचे संकेत; नाना पटोले अशोक चव्हाण यांचेही केले कौतुक

संगमनेर : ‘सत्यजित, तुला काँग्रेसशिवाय आणि काँग्रेसलाही तुझ्या शिवाय करमणार नाही. त्यामुळे तू किती दिवस अपक्ष राहणार, हे आपण ठरवू,’ असे सांगत आ. सत्यजित तांबे काँग्रेसमध्ये राहणार असल्याचे संकेतही माजी महसूल मंत्री काँग्रेस नेते बाळासाहेब थोरात यांनी दिले. भारत जोडो यात्रेच्या नियोजनाबद्दल बोलताना थोरात यांनी प्रदेशाध्यक्ष नाना पटोले आणि ज्येष्ठ नेते अशोक चव्हाण यांचेही कौतुक केले, हेही विशेष.