एकत्र कंदुरी जेवले... वादानंतर गुन्हेगारी टोळीच्या म्होरक्यावर गोळीबार..!

विशेष प्रतिनिधी l राष्ट्र सह्याद्री

 श्रीरामपूर : येथील वायकर टोळीचा म्होरक्या संतोष वायकर याच्यावर कंदुरी जेवणावेळीत झालेल्या वादावरून गोळीबार करण्यात आला. संतोष वायकर कारमध्ये बसल्यानंतर त्याच्यावर गोळी झाडण्यात आली. गोळी झाडणारा त्याच्याच टोळीतील पूर्वाश्रमीचा साथीदार आहे. विष्णू लाड असे त्याचे नाव असून पोलिसांनी त्याला अटक केली आहे. सध्या लाड हा स्वतंत्र टोळी चालवतो. 

 दरम्यान, गुप्त बातमीदारामार्फत मिळालेल्या माहितीनुसार, संतोष वायकर व विष्णू लाड एका साथीदाराच्या घरी कंदुरी जेवणासाठी उपस्थित होते. शुक्रवारी रात्री झालेल्या या कंदुरीला रिपब्लिकन पक्षाचा एक नेताही आमंत्रित होता. संबंधित नेत्यासमोर संतोष आणि विष्णू यांच्यात वाद झाले होते. याच वादाचे पर्यावसन शनिवारी सकाळी गोळीबारात झाले.