तो व्हिडिओ किरीट सोमैया यांचाच..! व्हायरल केला कुणी..? पोलिसांच्या तपासात महत्त्वाचे अपडेट

मुुंबई : काही दिवसांपूर्वीच किरीट सोमय्या यांचा व्हिडीओ व्हायरल झाल्याची बातमी समोर आली होती. दरम्यान, पोलीस तपासात हा व्हिडीओ खराच असल्याची बातमी समोर आली आहे. व्हायरल झालेला तो आक्षेपार्ह व्हिडीओ किरीट सोमय्या यांचाच असल्याची माहिती गुन्हे शाखेतील सूत्रांनी दिली आहे.

किरीट सोमय्या यांचा आक्षेपार्ह व्हिडीओ एका वृत्तवाहिनीने काही दिवसांपूर्वी प्रसिद्ध केला होता. त्यांच्या या व्हायरल व्हिडीओचा मुद्दा विधीमंडळाच्या पावसाळी अधिवेशनातही मोठ्या प्रमाणावर चर्चेत आला होता. अधिवेशनातील गदारोळानंतर राज्याचे उपमुख्यमंत्री आणि गृहमंत्री देवेंद्र फडणवीस यांनी या प्रकरणाच्या उच्चस्तरीय चौकशीचे आदेश दिले होते.