श्रीरामपूर- श्री सिद्धिविनायक नागरी सहकारी पतसंस्था, श्रीरामपूर यांचे वतीने शनिवार दिनांक ०३/०८/२०२४ रोजी दुपारी ४ वाजता अपूर्वा हॉल येथे कारगिल विजय दिनाला पंचवीस वर्षे पूर्ण झाल्या निमित्ताने श्रीरामपूर तालुक्यातील सैनिकांप्रती कृतज्ञता व्यक्त करण्यासाठी सर्व सैनिकांचा व त्यांच्या पत्नी तसेच सैनिकां पश्चात असलेल्या वीरपत्नी /माता यांचा सन्मान सोहळा आयोजित केला असल्याची माहिती संस्थेचे संस्थापक व चेअरमन श्री. वासुदेव काळे यांनी दिली. श्री सिद्धिविनायक पतसंस्था परिवारातील विविध संस्थांच्या माध्यमातून सामाजिक दायित्वाचे भान ठेवत विविध उपक्रम पार पाडत असते. महिलांसाठी स्टार्टअप, ज्येष्ठ नागरिकांसाठी विविध योजना, महिला आरोग्यासाठी- चला कॅन्सरला थांबू या! या व अशा विविध उपक्रमाच्या माध्यमातून या संस्था काम करत असतात, अशी माहिती संस्थेचे व्हाईस चेअरमन श्री.सुनील बोलके यांनी दिली. कार्यक्रमास सैनिक बांधवांनी उपस्थित राहावे असे आवाहन संस्थेचे वतीने करण्यात आले आहे.
0 टिप्पण्या