चितळी परिसरातील आदमाने वस्ती-काकडाई मंदिराच्या परिसरात कामगारांना सायंकाळच्या सुमारास बिबट्याचे दर्शन; नागरिकांमध्ये घबराटीचे वातावरण

वनविभागाला बिबट्याचा बंदोबस्त करण्यासाठी अजूनही ठोस पाऊले उचलण्याची आवश्यकता वाटत आहे बिबट्याला जेरबंद करण्याची कार्यपद्धती मध्ये अजूनही भर टाकण्याची गरज आहे परिसरात बिबटे फक्त दिसत नाही तर माणसावर हल्ले ही करतात यामुळे परिसरातील प्रत्येक व्यक्ति भयभीत झालेला आहे ही बाब अत्यंत गंभीर स्वरूपाची होत चालली आहे याचा बंदोबस्त करण्याची आवश्यकता आहे.मानवी वस्तीच्या आसपास फिरणाऱ्या बिबट्याचा बंदोबस्त करण्याची मागणी चितळी परिसरातील ग्रामस्थांकडून केली जात आहे चितळी परिसरात असलेल्या आदमाने वस्ती व आसपासच्या परिसरात वनविभागाने त्वरित लक्ष द्यावे पिंजर्‍याची संख्या वाढविण्यात यावी परिसरात बिबटे जास्त प्रमाणात वाढले असून नागरिकांचे घराबाहेर निघणे ही कठीण झाले आहे मानवी वस्तीत असलेल्या बिबट्याला तात्काळ जेरबंद करावे अशी मागणी चितळी-जळगाव परिसरातील समस्त नागरिकांनी केली आहे.