Crime : बनावट गुन्हे रद्द करा...

पोलीस अधीक्षकांच्या कार्यालयासमोर 'आमरण उपोषण' सुरू

प्रतिनिधी, सरताज सय्यद

श्रीरामपूर :

राहूरी पोलीस स्टेशनमध्ये जाणीवपूर्वक खोटा बनाव करून दाखल करण्यात आलेले गुन्हे रद्द करण्यात यावेत, या मागणीसाठी
यमुना देवराव भालेराव यांनी श्रीरामपूर येथील अप्ला पोलीस अधीक्षक कार्यालयासमोर 'प्राणांतिक आमरण उपोषण'सुरू केले आहे. शुक्रवार, १ मे २०२६ पासून हे उपोषण सुरू झाले असून, जोपर्यंत न्याय मिळत नाही तोपर्यंत मागे न हटण्याचा पवित्रा उपोषणकर्त्यांनी घेतला आहे.

काय आहे प्रकरण?

मिळालेल्या माहितीनुसार, १३ एप्रिल २०२६ रोजी राहूरी पोलीस ठाण्यात गुन्हा रजिस्टर क्रमांक ३६१ नुसार चोरी, विनयभंग आणि खंडणी यांसारख्या गंभीर कलमांखाली गुन्हा दाखल करण्यात आला आहे. मात्र, हा गुन्हा पूर्णपणे बनावट असून केवळ अडकवण्याच्या हेतूने दाखल करण्यात आल्याचा दावा यमुना भालेराव यांनी केला आहे.

तांत्रिक तपासाची मागणी:

सदर गुन्ह्यातील सत्यता बाहेर येण्यासाठी उपोषणकर्त्यांनी पोलीस प्रशासनाकडे अत्यंत महत्त्वाच्या ५ तांत्रिक मुद्द्यांवर तपासाचा आग्रह धरला आहे:

१. घटनेच्या वेळेची टावर लोकेशन तपासणी करणे.

२. संबंधित परिसरातील मोबाईल डंप डेटातपासणे.

३. संशयित व्यक्तींचे CDR (कॉल डिटेल्स)तपासणे.

४. **मोबाईल लोकेशनची पडताळणी करणे.

५. परिसरातील CCTV फुटेजची तातडीने तपासणी करणे.

न्यायासाठी आर्त हाक:
"पोलीस प्रशासनाने केवळ आरोपांवरून गुन्हा दाखल न करता तांत्रिक पुराव्यांची शहानिशा करावी आणि आम्हाला न्याय द्यावा," अशी भावना उपोषणस्थळी व्यक्त करण्यात आली. या उपोषणाला पाठिंबा देण्यासाठी अनेक महिला आणि नागरिक उपस्थित होते. आता या प्रकरणाकडे वरिष्ठ पोलीस अधिकारी कशा प्रकारे पाहतात आणि उपोषणकर्त्यांना न्याय मिळतो का, याकडे संपूर्ण जिल्ह्याचे लक्ष लागले आहे.