संगमनेरात गोवंश कत्तलखान्यावर एलसीबीचा छापा, तिघांना अटक

गुप्त माहितीच्या आधारे पथकाने सरकार लॉन्सजवळील काटवण परिसरात पहाटे छापा टाकला. त्यावेळी काही जण गोवंशीय जनावरांची कत्तल करत असल्याचे आढळून आले. पोलिसांची चाहूल लागताच काही आरोपी घटनास्थळावरून पसार झाले.

अब्दुलनूर जब्बार कुरेशी (वय २०), इमाम हुसेन शेख (वय २८),आणि अहमद फारून शहा (वय ३२), सर्वजण,रा. संगमनेर ) या तिघांना जेरबंद केले. या चौकशी दरम्यान अवैध कत्तल प्रकरणातील आणखी सहा साथीदारांची नावे समोर आली असून ते फरार आहेत. त्या आरोपी कडून ३१०० किलो गोमांस - किंमत १९.३० लाख,एक पिकअप वाहन किंमत ₹६ लाख,चार मोबाईल फोन किंमत ₹५५ हजार,सुरा, कुऱ्हाड व इतर साहित्य, असा ₹१५,८५,५०० एकूण मुद्देमाल जप्त करण्यात आला.या प्रकरणी संगमनेर शहर पोलीस ठाण्यात भारतीय न्याय संहिता २०२३ तसेच प्राणी संरक्षण अधिनियमातील संबंधित कलमांनुसार गुन्हा दाखल करण्यात आला असून पुढील तपास संगमनेर शहर पोलीस करत आहेत.

या कारवाईत स्थानिक गुन्हे शाखेचे अधिकारी व अंमलदार यांनी सहभाग घेतला असून, फरार आरोपींचा शोध सुरू असल्याची माहिती पोलीस सुत्रांनी दिली.