कंत्राटी आरोग्य कर्मचाऱ्यांना कायम स्वरूपी सेवेत सामावून घेण्याच्या निर्णयाचे आ. खताळांकडून स्वागत

        राष्ट्रीय आरोग्य अभियानातर्गत कार्यरत असलेले डॉक्टर, परिचारिका आरोग्य कर्मचारी तसेच इतर सर्व  कर्मचाऱ्यांनी अनेक वर्षे अत्यंत प्रतिकूल परिस्थितीतही प्रामाणिक पणे आरोग्य सेवा दिली. मात्र, कंत्राटी स्वरूपातील सेवेमुळे त्यांना नोकरीची शाश्वती नसल्याने अनेक अडचणींना सामोरे जावे लागत होते. या सर्वच  कर्मचाऱ्यांना न्याय मिळावा आणि त्यांना कायमस्वरूपी शासकीय सेवेत सामावून घ्यावे, अशी आग्रही मागणी आमदार अमोल खताळ यांनी विधान सभेत वेळोवेळी केली होती. या मागणीची दखल घेत महायुती सरकारने सकारात्मक निर्णय घेतल्यामुळे हजारो आरोग्य कर्मचाऱ्यांना दिलासा मिळाला आहे. या निर्णयामुळे राज्यातील हजारो  आरोग्य कर्मचारी यांच्या रोजगाराला स्थैर्य मिळणार असून त्यांच्या कुटुंबांनाही आर्थिक सुरक्षितता प्राप्त होणार आहे. आरोग्य सेवेतील त्यांचे योगदान लक्षात घेऊन सरकारने घेतलेला हा निर्णय ऐतिहासिक असल्याची भावना व्यक्त होत आहे.