किरकोळ वादातून पती-पत्नीला लोखंडी रॉडने बेदम मारहाण; तिघांवर गुन्हा दाखल

​त्यातून चिडलेल्या आरोपीने आणि त्याच्या साथीदारांनी मिळून थेट त्या महिलेच्या कुटुंबाला लक्ष केले. आरोपींनी महिलेच्या पतीला, सासूला आणि सासऱ्यांना रस्त्यावर गाठून अत्यंत गलिच्छ भाषेत शिवीगाळ करण्यास सुरुवात केली. हा वाद एवढ्यावरच थांबला नाही, तर आरोपींनी संपूर्ण कुटुंबाला लाथाबुक्क्यांनी बेदम मारहाण केली.

​या राड्यादरम्यान आरोपीने जवळ असलेला लोखंडी रॉड काढून महिलेच्या पतीवर जबर हल्ला चढवला. या हल्ल्यात पती गंभीर जखमी झाला असून त्याला उपचारासाठी तातडीने अहिल्यानगर येथील शासकीय रुग्णालयात दाखल करण्यात आले आहे. मारहाण केल्यानंतर आरोपींनी पीडित कुटुंबाला जीवे मारण्याची धमकीही दिली.

​या प्रकरणी सनी ऊर्फ सूरज ढोबळे, धीरज ढोबळे आणि त्यांच्यासोबत असलेल्या एका अनोळखी व्यक्तीविरुद्ध भिंगार कॅम्प पोलीस ठाण्यात विविध कलमांनुसार गुन्हा दाखल करण्यात आला आहे. घटनेची माहिती मिळताच साहाय्यक पोलीस निरीक्षक तेजश्री थोरात आणि उपनिरीक्षक अकोलकर यांनी घटनास्थळी भेट दिली. या प्रकरणाचा पुढील तपास पोलीस करत आहेत.